Enlightenment Stories: పూజకు పుష్పాలు (24-Aug-23, Enlightenment Story)

*పూజకు పుష్పాలు*

🍁🍁🍁🍁🍁🍁🍁🍁

ఈశ్వరుడుకి భక్తితో ఓ పుష్పాన్ని సమర్పిస్తే చాలు భక్తులు కోరకుండానే ఆ బోలెనాధుడు వరాలిస్తాడు. అలాంటిది కొన్ని రకాల పుష్పాలతో ఇష్టదైవాన్ని పూజిస్తే జీవితంలో ఎదురైన ఆటంకాలు, సమస్యలు తొలగిపోయి సంతోషంగా ఉంటారు.

వివిధ రకరాల పూలతో పూజిస్తే వచ్చే ప్రయోజనాలు. దేవుడికి జాజిపూలు అర్పించి ప్రసాదం స్వీకరిస్తే మనలోని చెడు ఆలోచనలు తొలగి సుగుణాలు కలుగుతాయి. విధి నిర్వహణలో ఎదురైన సమస్యలు తొలగిపోతాయి.

సంపెంగ పూలను అర్పించి ప్రసాదం స్వీకరిస్తే క్షుద్ర విద్యలు పని చేయవు. శత్రు నివారణ సాధ్యమవుతుంది.
పారిజాతం పూలతో అర్చన చేస్తే కాలసర్ప దోషం నివారణ చెందడమే కాదు మనశ్శాంతి లభిస్తుంది.
రుద్రాక్ష పూలతో పూజిస్తే కష్టాలు ఎదురైనా అంతిమ విజయం మీదే అవుతుంది.
మొగలి పువ్వులతో పూజ చేస్తే అధికారంలో ఉన్నవారి మనస్తాపం తీరుతుంది.
లక్కి పూలతో పూజిస్తే భార్య, పిల్లలతో విభేదాలు లేకుండా హాయిగా ఉంటారు.
పద్మం లేదా కమలంతో అర్చన చేస్తే దారిద్య్రం నివారణ, శ్రీమంతులవుతారు.
మల్లెలతో పూజిస్తే రోగాల నుంచి విముక్తి లభించి ఆరోగ్యం ప్రాప్తిస్తుంది.
కల్హర పుష్పంతో పూజిస్తే సమాజంతో గుర్తింపు, ఆకర్షణ పెరుగుతుంది.
గన్నేరు పూలతో పూజిస్తే కవులకు కాల్పనిక సాహిత్యం వృద్ధి చెందుతుంది.
కలువలతో పూజిస్తే స్తంభన, మంత్ర సంబంధ సమస్యలు తొలగిపోతాయి.
కుంద పుష్పాలతో పూజించి ప్రసాదాన్ని స్వీకరిస్తే ముఖంలో తేజస్సు, కాంతి ప్రకాశిస్తుంది.
కనకాంబరాలతో పూజ చేయరాదు. అలా చేస్తే జీవితం పట్ల వైరాగ్యం కలుగుతుంది.
మాధవీ పుష్పాలతో పూజించే జ్యోతిషులు మాటలు అక్షర సత్యాలవుతాయి.
తుమ్మపూలతో శివుని పూజిస్తే భక్తి అధికమవుతుంది.
నందివర్థనాలతో శివుడికి పూజ చేస్తే జీవితంలో సుఖం, శాంతి, ప్రశాంతత లభిస్తాయి.
కణగలె పుష్పాలను దేవుడికి అర్పిస్తే మనసును పీడిస్తున్న భయం, భీతి తొలగిపోతాయి. గణపతిని వీటితో పూజిస్తే మాంత్రిక బాధలు తొలగి, విద్యా ప్రాప్తి, దుర్గాదేవిని పూజిస్తే అనుగ్రహంతోపాటు శత్రు నిర్మూలనం జరుగుతుంది.
పొద్దుతిరుగుడు పూలను పూర్ణాహుతికి వేస్తే అష్టైశ్వర్యాలు సిద్ధిస్తాయి.