సూర్యుడు - సంజ్ఞాదేవి - ఛాయాదేవి
🌺🍀🌺🍀🌺🌺🍀🌺🍀🌺🍀🌺🌺🍀లోకాలకు వెలుగునిచ్చే పెద్ద కొలువులో వున్నాడు కదా’ అని విశ్వకర్మ తన కుమార్తె సంజ్ఞాదేవిని ఆదిత్యునికిచ్చి పెండ్లి చేశాడు. వీరి మొదటి సంతానం శ్రాద్ధదేవుడు. ఇతనినే ‘వైవస్వత మనువు’ అంటారు. మనువులచే పరిపాలించబడటం వలన మనం మానవులుఅయినాము.
సూర్యుని తేజస్సు భరించలేక భర్తతో సుఖించేప్పుడు సంజ్ఞాదేవి కనులు మూసుకొన్నది. సూర్యునికి కోపం వచ్చింది. ‘అఖిల జనుల ఆయుష్షును నియంత్రించేవాడు కొడుకుగా పుడతా’డన్నాడు. అలా పుట్టినవాడే యముడు. ధర్మ స్వరూపుడైన 'యముడు' అష్టదిక్పాలకులలో ఒకడైనాడు. యముడే ధర్మదేవత.జీవుల పాపపుణ్యాలను గుణించి,శిక్షించి, కర్మ పరిహారం చేసే ' నరకలోకాధిపతి
ఈసారి ఆమె కళ్లు మూసుకోలేదు కానీ, భర్తను చంచలదృష్టితో చూస్తూండి పోయింది. ‘నీకు విలోలయైన కుమార్తె పుడుతుంద’న్నాడు సూర్యుడు. పుట్టిన కూతురు పేరు యమున
ది. ‘నీకు విలోలయైన కుమార్తె పుడుతుంద’న్నాడు సూర్యుడు. పుట్టిన కూతురు పేరు య
ఏం చేసినా తప్పే, ఎలా వున్నా కష్టమే’ అన్నట్లుగా ఉన్నది సంజ్ఞ పరిస్థితి. ఆమె తన నీడకు ప్రాణం పోసి ‘ఛాయాదేవి’ అని పేరు పెట్టింది. ‘ముమ్మూర్తులా నీవు నాలానే వున్నావు. ఆయనకు అనుమానం రాకుండా నాకు వలెనే కాపురం చేయి. నా పిల్లల్ని నీ పిల్లలనుకో’ అంటూ అంపకాలు పెట్టి, పిల్లలకు కూడా చెప్పకుండా పుట్టింటికి వెళ్లింది సంజ్ఞ.తనకు శాప భయం రానంత వరకు ఎవరికీ తెలియనివ్వనని షరతుతో కూడిన మాట ఇచ్చింది ఛాయాదేవి. ఛాయకు ఇద్దరు మగపిల్లలు, ఒక ఆడపిల్ల పుట్టారు. శ్రుతకర్మ, శ్రుతశ్రవుడు, తపతి వాళ్ల పేర్లు.
- శ్రుతకర్మను మనందరమూ ‘శనీశ్వరుని’గా ఎరిగి వున్నాం.
- శ్రుతశ్రవుడు తదుపరి కాలంలో ‘సూర్యసావర్ణి మనువు’గా పేరొందాడు.
- తపతి నదముగా ప్రసిద్ధురాలైంది.
పిల్లలు పుట్టాక ఛాయకు సవతి తల్లి మనస్తత్వం వచ్చేసింది. సంజ్ఞ పిల్లలను వేరుభావంతో చూడసాగింది. యమునికి అనుమానం వచ్చి, ఛాయ నడవడిని పరికించసాగాడు. ఆమె తన తల్లి కాదని తెలుసుకొని దెబ్బలాట పెట్టుకున్నాడు. మాట మాట పెరిగింది.
తల్లిని తన్నడానికి వెళ్లాడు యముడు. ‘నీ కాలు తెగిపడును గాక’ అని శపించింది ఛాయ. యముని కాలు తెగి నేలమీద పడింది. ఈ గొడవతో విషయం సూర్యుని వరకు వెళ్లింది. ‘తెగిపడిన కాలును క్రిములు తిని వేస్తాయని, తదుపరి యమునికి కాలు యథాతథంగా వస్తుందని, యముని కాలు తిని వేసిన క్రిములే లోకంలో వ్యాధులుగా వర్ధిల్లుతాయని, మానవులు రోగాల కారణంగా మరణిస్తుంటారు గనుక వారు యముణ్ణి నిందించరనీ’ వరమిచ్చాడు సూర్యుడు. ఈ గొడవలో శని తల్లిపక్షం వహించి తండ్రితో తగవు పెట్టుకొన్నాడు. శనిని ఇంటినుండి వెళ్లగొట్టాడు సూర్యుడు.
ఎన్నాళ్లయినా అత్తారింటి ఊసెత్తని సంజ్ఞను చూసి సందేహం వచ్చింది విశ్వకర్మకు. కూతురుకు సుద్దులు చెప్పి అత్తారింటికి పంపించాడు.వివాహం అయిన స్త్రీ భర్త అనుమతి లేకుండా పుట్టింటికి రావడం ధర్మం కాదని,కారణమేదయినా సరే అందువలన రెండు కుటుంబాలకు చెడ్డ పేరు వస్తుందని,అందువలన తిరిగి భర్త వద్దకు వెళ్ళిపొమ్మన్నాడు
ఆమె అక్కడినుంచి బయలుదేరి, ఇంటికి వెళ్లకుండా, భూలోకంలో హిమాలయ ప్రాంతాలకు (కురుదేశాలకు)వెళ్లి,అక్కడ కురుక్షేత్రంలో ఆడగుర్రం రూపంలో "బడబ" నామంతో ఒంటరిగా సంచరించసాగింది. సూర్యుడు లోకాలన్నీ వెతికి, హిమాలయాలలో ఉన్న సంజ్ఞాదేవిని కలుసుకున్నాడు. ఆమె అలుక పోగొట్టేందుకు తాను కూడా అశ్వంగా మారి, కొంతకాలం అక్కడ ఆమెతో కలిసి తిరిగాడు. ఫలితంగా, వారికి ఇద్దరు కొడుకులు పుట్టారు.
సత్యాఖ్యుడు, దస్రు అన్నవి వారి పేర్లు. సూర్యుడు, సంజ్ఞాదేవి యథారూపాలను పొంది, ఆ బిడ్డలను ఎత్తి ముద్దాడగానే, వాళ్లు పెద్ద వాళ్లయ్యారు. వాళ్లనే అశ్వినీ దేవతలంటారు. వాళ్లు తాము ఆయుర్వేద శాస్త్రంలో ప్రవీణులై దేవతలలో గౌరవస్థానం పొందేలాగ తల్లిదండ్రుల దీవెనలు పొంది, ఓషధీ వనాలను వెతుకుతూ వెళ్లిపోయారు.
ఆ సందర్భంలోనే భూమిమీద పడ్డ సూర్యుని రేతస్సునుండి ‘రేవంతుడు’ పుట్టాడు. విషయం తెలిసిన విశ్వకర్మ కురుభూములను చేరుకున్నాడు. సంజ్ఞ పడుతున్న ఇబ్బంది అటు భర్తకు, ఇటు తండ్రికి అర్థమైంది.
సూర్యుని తేజస్సును చిత్రిక పట్టి అతనిలోని వేడిమిని తగ్గించాడు విశ్వకర్మ. సూర్యుడు సంజ్ఞాదేవిని ఓదార్చి తన తీవ్రతను కొంత తగ్గించుకొని భార్యను వెంటబెట్టుకొని ఇంటికి వెళ్లాడు. సంజ్ఞ తన భర్తతోపాటు సూర్యమండలానికి వెళ్లిపోయింది. చిత్రిక పట్టినప్పుడు సూర్యకిరణాల నుండి రాలిపడిన రజనుతో
- విష్ణుమూర్తికి చక్రాయుధాన్ని,
- శివునికి త్రిశూలాన్ని,
- వసువులకు శంఖాలను చేసిచ్చాడు విశ్వకర్మ.
- మరికొంత రజను మిగిలితే దానితో దేవేంద్రుని వజ్రాయుధానికి పదును పెట్టిచ్చాడు.
*జై శ్రీ రామ్*
🍀🌺🍀🌺 సర్వం శ్రీకృష్ణార్పణమస్తు 🍀🌺🍀🌺 లోకా సమస్తా సుఖినోభవన్తు!🍀🌺🍀🌺
🍀🌺🍀🌺 సర్వం శ్రీకృష్ణార్పణమస్తు 🍀🌺🍀🌺 లోకా సమస్తా సుఖినోభవన్తు!🍀🌺🍀🌺
🍀🌺🍀🌺 సర్వం శ్రీకృష్ణార్పణమస్తు 🍀🌺🍀🌺 లోకా సమస్తా సుఖినోభవన్తు!🍀🌺🍀🌺
☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️☘️
*ప్రియమైన భగవత్బంధువులుకి శతకోటి వందనాలు 🙏*
*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*
దయచేసి దిగువ లింక్‌ని క్లిక్ చేయండి
*మీ చంద్రశేఖర్* (Cell:+1-314-562-5762)
☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️
.jpeg)
No comments:
Post a Comment