*మధురై మీనాక్షీ అమ్మవారి అద్భుతమైన లీల*
💥💥💥💥💥💥💥💥💥💥💥💥💥💥💥💥💥💥💥💥💥💥
బ్రిటీష్ కాలంలో తమిళనాడులో మధురై జిల్లాకి పీటర్ అనే వ్యక్తి కలెక్టర్ గా ఉండేవారు. ఆయన కార్యాలయానికీ ఇంటికీ మధ్యలోనే మీనాక్షీ అమ్మవారి గుడి ఉండేది. పీటర్ ప్రతిదినం తన కార్యాలయానికి అమ్మవారి దేవాలయం ముందునుండి తన గుర్రంమీద వెళ్ళేవారు. అలా గుడి ముందునుండి వెళుతున్న సమయంలో పీటర్ తన కాళ్ళకున్న చెప్పులు తీసి గుర్రం దిగి నడచి వెళ్ళేవారు భక్తిగా.
ఒక రోజు రాత్రి ఉరుములు మెరుపులతో పెద్ద గాలితో వర్షం కురుస్తోంది. పీటర్ తన ఇంట్లో పడుకుని ఉండగా పెద్ద శబ్దం వినిపించింది.ఉలిక్కిపడి లేవగానే, ఎదురుగా ఒక స్త్రీ వంటినిండా బంగారు ఆభరణాలతో నిలుచుని ఉంది. పీటర్, ఎవరమ్మా నువ్వు అని అడుగుతుండగానే ఆ స్త్రీ బయటకు వెళ్ళిపోతూ, రా రా అని పీటర్ ను బయటకు పిలిచి, కనీసం కాళ్ళకు పాదరక్షలు కూడా లేకుండా ఆ జోరు వర్షంలోనే వడి వడిగా నడుస్తూ కొంతదూరంలో అదృశ్యమవడం,
ఇంటి నుంచి బయటకు వచ్చిన పీటర్ గమనించి వెనుతిరిగిన మరుక్షణంలోనే, అతని నివాసం ఒక్కసారిగా కుప్పకూలిపోవడం ఒకేసారి జరిగింది. నిర్ఘాంత పోయిన పీటర్ కొద్దిసేపటికి తేరుకుని, ఆ అర్ధరాత్రి వచ్చి తనను బయటకు పిలిచి ఈ ఘోర ఆపద నుండి కాపాడినది, సాక్షాత్తూ ఆ మధుర మీనాక్షీ అమ్మవారే అని గ్రహించి, చేతులెత్తి నమస్కరించిన కలెక్టర్ పీటర్.
ఆ మరునాడు భక్తితో ఆలయానికి వెళ్ళి అర్చకులను సంప్రదించి, రాత్రి జరిగిన ఆ ఉదంతాన్ని వారికి తెలియ చేస్తూ, అయ్యా రాత్రి నాకు దర్శనమిచ్చిన మీనాక్షీ అమ్మవారి కాళ్ళకు పాదరక్షలు లేవని గమనించాను. నేను అమ్మవారికి బంగారు పాదరక్షలు బహుమతిగా ఇవ్వదలిచాను. మీరు అంగీకరించి నాకు ఈ అవకాశాన్ని ఇవ్వగలరు అని వారి అంగీకారంతో.
80 వజ్రాలు
412 కెంపులు
72 పచ్చలు తో
వజ్ర వైఢూర్య సహితమైన అత్యంత విలువైన స్వర్ణ పాదుకలను ఆ మధుర మీనాక్షీ తల్లికి సమర్పించారు కలెక్టర్ పీటర్. పీటర్ పాదుకలుగా పిలువబడే ఆ పాదుకలను ఇప్పటికీ అమ్మవారి ఆలయంలో ప్రతి ఏటా జరిగే "చిత్ర ఫెస్టివల్" సందర్భాన అమ్మవారి ఉత్సవ మూర్తి పాదాలకు అలంకరించి ఊరేగింపు నిర్వహిస్తారు. ఆనాడు సత్య తార్కాణంగా జరిగిన ఈ సన్నివేశం, అన్య మతస్థుడైనా, భగవంతునిపై ఆయనకున్న భక్తి విశ్వాసాలకు ప్రతీకగా నిలిచిపోయింది.
ఈ ఆల్బంలో మధుర మీనాక్షీ అమ్మవారి సంపూర్ణ క్షేత్ర దర్శనం , ఆలయ చరిత్ర మరియు స్థలపురాణం ఉన్నాయి .
*ఓం శ్రీ మాత్రే నమః - అమ్మవారి అనుగ్రహం పొందుదాం*
🍂🍃🍂🍃🍂🍃🍂🍃🍂🍂🍃🍂🍃🍂🍃🍂🍃🍂🍂🍃🍂🍃🍂🍃🍂🍃🍂
*ప్రియమైన భగవత్బంధువులుకి శతకోటి వందనాలు 🙏*
.jpeg)
No comments:
Post a Comment