Wednesday, 19 April 2023

ఇందిరా గాంధీ 3వ ప్రధాని - జై గోమాత (27-Apr-23, Enlightenment Story)

 *ఇందిరా గాంధీ 3వ ప్రధానిగా పదవి అలంకరించడానికి ముందు పరిస్థితి*

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️ 

27-Apr-23, Thursday - దయచేసి గురుబోధ వీడియో చూడండి 

https://youtube.com/shorts/iwEVl3c3HXk

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️

ఆమె ఎట్టి పరిస్థితులలో ప్రధాని అయ్యే అవకాశమే కనిపించలేదు.  ఆనాటి పరిస్థితులలో (దక్షిణాది) మద్రాస్ వాడైన నిజలింగప్పకు పూర్తి మద్దతు ఉంది.  అప్పుడు ఇందిరా గాంధీ గారు సాధు సంతుల ఆశీర్వాదం కోసం తిరిగింది.  వారిలో కరపాత్రి స్వామి (హరిహరానంద సరస్వతి) ఒకరు.  ఆయన అమ్మా మాకు ఒక మాట ఇస్తే మేము నీవు ప్రధనిగా కావడానికి ఆశీర్వాదం ఇస్తాము అన్నారు.  మీరు కోరిన ప్రమాణం చేస్తాను నన్ను ప్రధాని పదవి వరించేట్లు ఆశీర్వదించండి అని వేడుకుందట ఇందిర...

నీవు ప్రదాని పదవిని చేపట్టిన వెంటనే గోవధ నిషేధ చట్టం తీసుకురావాలి అన్నారు.  అలాగే స్వామి అని ఇందిరా గాంధీ మాట ఇచ్చింది. కరపాత్రి స్వామి (హరిహరానంద సరస్వతి) మరియు శంకరాచార్య ఇద్దరూ ఆమెను ఆశ్వీర్వదించారు.  వారి ఆశీర్వాద బలమో లేక ఆమె అదృష్టమో గాని తర్వాత ఇందిరా గాంధీ భారతదేశానికి 3వ మురియు మొదటి మహిళా ప్రధాని గా పదవి చేపట్టింది.

కరపాత్రి స్వామి, శ్రీ శంకరాచార్య ఇద్దరూ రెండు సార్లు ఆమెను కలసి ఆమె ఇచ్చిన మాటనిలబెట్టుకోమని అడిగారు. ఆమె వారికి కల్లబొల్లి కబుర్లు చెప్పి పంపించి వేసింది.  గోపాష్టమి నాడు కరపాత్రి స్వామి, శ్రీ శంకరాచార్యుల ఆద్వర్యంలో డిల్లీకి గోవులు సంతులు  బయలు దేరారు.

ఇందిరా గాంధీ వారిమీద కాల్పులు జరిపించింది.  అనేకమంది సంతులు చాలా గోవులు తూటాల బారిన పడి చనిపోయాయి. కరపాత్రి స్వామి కోపంతో అమ్మా మమ్మల్ని బాధించావు.. సంతులం కనుక క్షమిస్తాము.  కానీ మా తల్లి గోమాతలను చంపించావు.. దీనికి నా శాపం తప్పక నీకు తగిలి తీరుతుంది.  నీ వంశం నిర్వంశమౌతుంది అని శపించారు.

ఈ విషయం ఆనాటి పత్రికలలో వచ్చింది. ఆర్యవ్రత్, కేసరి పత్రికలలో ఈ విషయాన్ని ప్రముఖంగా ప్రచురించారు.

  • సాధువుల శాపవాక్కుకు ఎంతటి బలం ఉందో చూడండి.
  • ఇందిరా గాంధీ సాధువుల మీద, గోవులమీద తుపాకులతో కాల్పులు జరిపించిన రోజు గోపాష్టమి..
  • ఇందిరాగాంధీ రెండవ కుమారుడు సంజయ్ గాంధీ చనిపోయినది గోపాష్టమి నాడు..
  • ఇందిరా గాంధీ హత్య చేయబడింది గోపాష్టమి నాడు..
  • రాజీవ్ గాంధీ హత్య చేయబడింది గోపాష్టమి నాడు..

సాధువులను, గోవులను హింసించిన వాడు ఎవ్వరూ బాగుపడలేదని చెప్పడానికి ఇది గొప్ప ఉదాహరణ.

గమనిక ::ఎవరికైనా అనుమానం ఉంటే ఆసంవత్సరం,రోజుని క్రాస్ చెక్ చేసుకోండి..                                                   

🐄 🐄 🐄 🐄 🐄  🐄 🐄 🐄 🐄 🐄 🐄 🐄 🐄  🐄 🐄 🐄 🐄 🐄 🐄 🐄 🐄  🐄 🐄 🐄

*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  దయచేసి దిగువ లింక్‌ని క్లిక్ చేయండి
https://www.youtube.com/channel/UC2xiQi_bbC86VTPXIIwHFYg
 *మీ చంద్రశేఖర్*
🐄 🐄 🐄 🐄 🐄  🐄 🐄 🐄 🐄 🐄 🐄 🐄 🐄  🐄 🐄 🐄 🐄 🐄 🐄 🐄 🐄  🐄 🐄 🐄  

 🚩  జై గోమాత🙏🚩  జై గోమాత🙏🚩  జై గోమాత🙏🚩  జై గోమాత🙏🚩  జై గోమాత🙏

 🚩  జై గోమాత🙏🚩  జై గోమాత🙏🚩  జై గోమాత🙏🚩  జై గోమాత🙏🚩  జై గోమాత🙏

 🚩  జై గోమాత🙏🚩  జై గోమాత🙏🚩  జై గోమాత🙏🚩  జై గోమాత🙏🚩  జై గోమాత🙏

🐄 🐄 🐄 🐄 🐄  🐄 🐄 🐄 🐄 🐄 🐄 🐄 🐄  🐄 🐄 🐄 🐄 🐄 🐄 🐄 🐄  🐄 🐄 🐄  

మహాకవి కాళిదాసు - సరస్వతీదేవి (26-Apr-23, Enlightenment Story)

*మహాకవి కాళిదాసు*  

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️ 

 26-Apr-23, Wednesday - దయచేసి కృష్ణుడు వీడియో చూడండి 

https://youtube.com/shorts/OrU2U1Vh1PY

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️

మహాకవి కాళిదాసు ఒకనాడు మండు వేసవిలో మిట్ట మధ్యాహ్నం ఒక కుగ్రామానికి చేరుకున్నాడు.దాహం వేయడంతో కాళిదాసు ఓ గుడిసె దగ్గరకు వెళ్ళి *దాహంగా ఉంది,నీళ్లు ఇవ్వండి* అని అడుగుతాడు.

గుడిస లోపల నుండి ఓ ముసలావిడ బయటకు వచ్చి  ‘మీరెవరు?ఎక్కడనుండి వస్తున్నారు?'అంటుంది.

కాళిదాసు*నేను ఎవరో తెలియకపోవడం ఏంటి?నేను ఓ పెద్ద పండితుడను.ఎవరిని అడిగినా చెబుతారు* అని అంటాడు.

ఆ మాటలు విన్న ముసలావిడ నవ్వి..'మీరు అసత్యమాడుతున్నారు.మీరంత గొప్పవారైతే ప్రపంచంలో ఇద్దరు బలవంతులెవరో చెప్పండి’అంటుంది.

కాళిదాసు కాసేపు ఆలోచించి"నాకు తెలియదు.గొంతు ఎండి పోతుంది,ముందు నీళ్లు ఇవ్వండి"అని బతిమాలుకుంటాడు...

"ఆ ఇద్దరు బలవంతులు ఆకలి, దాహం.ఇప్పుడు చెప్పండి మీరు ఎవరు?"అని మళ్ళీ అడుగుతుంది ముసలావిడ....

ఈసారి ‘నేను బాటసారి’ని అంటాడు కాళిదాసు....

అయితే ఈ లోకంలో అలసిపోకుండా సంచరించే ఇద్దరు బాటసారులు ఎవరూ అంటూ ప్రశ్నిస్తుంది ముసలావిడ....

తెల్ల ముఖం పెట్టి మాతా!"నీళ్ళు ఇవ్వండి.లేకుంటే దాహంతో చనిపోయేలా ఉన్నాను" అంటూ ప్రాదేయపడతాడు కాళీదాసు....

వాళ్ళు సూర్యచంద్రులు’అని తెలిపి"మరి మీరెవరో సెలవివ్వండి.నీళ్లిస్తాను" అంటుంది ముసలావిడ....

కాళిదాసు దీనంగా"నేను అతిథిని"అని బదులిస్తాడు....

"మీరు మళ్ళీ అసత్యం చెబుతున్నారు.ఈ సృష్టిలో అతిథులు ఇద్దరే.ఒకటి ధనం, రెండోది యవ్వనం.అవి ఎప్పుడు వస్తాయో పోతాయో ఎవరికీ తెలియదు"అంటుంది ముసలావిడ....

కాళిదాసు"నా సహన పరీక్ష  తరువాత చేద్దురు.ముందు నీళ్లు ఇవ్వండి"అని వేడుకుంటాడు....

"ఈ ప్రపంచంలో ఇద్దరే సహనశీలురు.వారెవరో శెలవివ్వ గలరా" అంటూ...బిక్కమొహం వేసిన కాళీదాసుతో"ఒకటి భూమి,రెండోది వృక్షం"అని భోద పరచి"ఇప్పుడు నిజం చెప్పండి మీరెవరు?"అని మళ్ళీ అడుగుతుంది ముసలావిడ....

ఓపిక నశించిన కాళిదాసు"నేను మూర్ఖుడను.ఈ మూర్ఖుడికి ఇప్పుడైనా నీళ్లివ్వండి"అని సాగిల పడతాడు....

ఆ అవ్వ నవ్వుతూ"ఇదీ అసత్యమే. ఈ రాజ్యంలో ఇద్దరే మూర్ఖులున్నారు. ఒకరు ఈ రాజ్యాన్ని పాలించే రాజు. అర్హత లేకున్నా ప్రజలపై పెత్తనం చెలాయిస్తున్నాడు. రెండోవాడు ఆ రాజు మెప్పు కోసం అసత్య వాక్యాలు చెప్పే పండితుడు"అని అంటుంది....

ఆ జవాబుతో కాళిదాసుకు కనువిప్పు కలుగుతుంది.ఆ అవ్వ కాళ్ల మీద పడి క్షమాపణలు కోరుతాడు....

ఆ అవ్వ సరస్వతీదేవిగా సాక్షాత్కరించింది.‘నాయనా! విద్యతో వినయం వృద్ధి చెందాలి,అహంకారం కాదు.కీర్తి,ప్రతిష్ఠల మాయలో పడిపోయిన నీ బుద్ధిని సరి చేయటానికే ఈ పరీక్ష’ అని మంచినీరు అందించి దాహం తీరుస్తుంది.

విద్య, అధికారం, ధన బలము తో మనిషికి అహంకారం పెరగకుండా చూసుకోవాలి.

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  దయచేసి దిగువ లింక్‌ని క్లిక్ చేయండి
https://www.youtube.com/channel/UC2xiQi_bbC86VTPXIIwHFYg
 *మీ చంద్రశేఖర్*
🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸❄️❄️

సూర్య నమస్కారాలు (25-Apr-23, Enlightenment Story)

*సూర్య నమస్కారాలు*  

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️ 

25-Apr-23, Tuesday - దయచేసి హనుమంతుడు వీడియో చూడండి 

https://youtube.com/shorts/fGCNHcWHySY

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️

సూర్య నమస్కారం అనే పేరు ఒక్కటే అయినా, అందులో 12 రకాల ఆసనాలు ఉంటాయి.

ఆసనానికో ప్రయోజనం :-సూర్య నమస్కారం అనే పేరు ఒక్కటే అయినా... అందులో 12 రకాల ఆసనాలు ఉంటాయి. ఈ పన్నెండు చేస్తే ఒక వృత్తం పూర్తయినట్లు! వీటిలో ఒకటి నుంచి ఐదు... ఎనిమిది నుంచి పన్నెండు ఆసనాలు ఒకేలా ఉంటాయి. కుడి, ఎడమల తేడా మాత్రమే ఉంటుంది. ఏ ఆసనంతో ఎలాంటి లబ్ధి చేకూరుతుందో చూద్దాం...

ఒకటి, పన్నెండు :- శరీర సమతుల్యత సాధించవచ్చు. శ్వాసకోశ వ్యవస్థ మెరుగుపడుతుంది. వెన్నెముక, మెడ, భుజాల దగ్గర ఉన్న కండరాలు బలోపేతం అవుతాయి.

రెండు, పదకొండు :- జీర్ణ వ్యవస్థను మెరుగుపరుస్తుంది. వెన్నెముక, పిరుదులు బలోపేతమవుతాయి.

మూడు, పది :- రక్త ప్రసరణ పెంచుతాయి. కాలి కండరాలను బలోపేతం చేస్తాయి. గ్రంధులపై కూడా ప్రభావం చూపుతాయి.

నాలుగు, తొమ్మిది :- వెన్నెముక, చేతి మణికట్టు కండరాలను బలోపేతం చేస్తాయి.

ఐదు, ఎనిమిది: గుండెను బలోపేతం చేస్తాయి. మెడ, భుజాల దగ్గర ఉండే ఒత్తిడిని తగ్గిస్తాయి.

ఆరో ఆసనం :- మెడ, భుజాలలో ఒత్తిడిని తగ్గిస్తుంది.

ఏడో ఆసనం :- జీర్ణ వ్యవస్థను బలోపేతం చేస్తుంది. వెన్నెముక బలంగా మారడానికి ఉపకరిస్తుంది.




మరెన్నో లాభాలు :-

సూర్య నమస్కారాలతో ఎముకలు, కండరాలు బలోపేతమై ఆరోగ్యంగా ఉండటమే కాదు... మధుమేహం, బీపీ, గుండె జబ్బుల నుంచి కూడా ఉపశమనం లభిస్తుందని శాస్త్రవేత్తలు స్పష్టం చేస్తున్నారు. "సూర్య నమస్కారాలలో 12 రకాల భంగిమలు ఉంటాయి. వీటిలో కొన్నింటిని నెమ్మదిగా చేయాలి. మరి కొన్నింటిని వేగంగా చేయాలి. వేగంగా చేసే భంగిమల్లో కండరాలకు మేలు జరుగుతుంది. ఏరోబిక్స్‌తో సమానమైన ఫలితాలు సాధించవచ్చు. నెమ్మదిగా చేసే సూర్య నమస్కారాలు శ్వాస నియంత్రణకు ఉపయోగపడతాయి.

ఎక్కువ గాలిని పీల్చి, వదలడం ద్వారా ఊపిరితిత్తుల సామర్థ్యం పెరుగుతుంది'' అని ఆనంద బాలయోగి వివరించారు. అధిక బరువు తగ్గడం, జీర్ణ ప్రక్రియ మెరుగవడంతోపాటు... సూర్య నమస్కారాలతో మానసిక ప్రశాంతత కూడా లభిస్తుంది. సూర్య నమస్కారాలు శరీర భాగాలపైనే కాకుండా గ్రంధులపైనా పని చేస్తాయి. థైరాయిడ్, పార్థరాయిడ్, పిట్యూటరీ వంటి గ్రంధులు సాధారణ స్థాయిలో పని చేయడానికి ఇవి ఎంతో ఉపకరిస్తాయి.

1.నమస్కారాసనం (ఓం మిత్రాయ నమ):- సూర్యునికి ఎదురుగా నమస్కారం చేస్తున్నట్లు నిలబడి సూర్యుని నామాన్ని ఉచ్ఛరించాలి.

2.హస్త ఉత్తానాసనం (ఓం రవయే నమః) :- కొద్దిగా శ్వాస పీల్చి రెండు చేతులను పైకెత్తి, తలను, నడుమును వెనుకకు వంచాలి. కాళ్ళు వంచకూడదు.

3.పాదహస్తాసనం ( ఓం సూర్యాయ నమః) :- శ్వాస వదలి రెండు చేతులను కాళ్ళకు దగ్గరగా భూమిమీద ఆనించి, తలను మోకాలుకు ఆనించాలి.

4.ఆంజనేయాసనం (ఓం భానవే నమ) :- ఎడమ మోకాలును వంచి పాదాన్ని నేలపై ఉంచి, కుడి పాదాన్ని వెనుకగా వేళ్ళపై ఆనించి, రెండు చేతులను పైకి చాపి, నడుము పైభాగాన్నంతా వెనుకకు వంచాలి. ఈ స్థితిలో శ్వాసను పీల్చి లోపలే ఆపాలి.

5.పర్వతాసనం ( ఓం ఖగాయ నమః) :- కాళ్ళు, చేతులు నేలమీద ఆనించి నడుము పైకి ఎత్తి శ్వాస వదలి తిరిగి పీల్చాలి.

6.సాష్టాంగ నమస్కారం (ఓం పూష్ణే నమః) :- ఎనిమిది అంగాలు నేలకు ఆనటం వలన దీనికి 'అష్టాంగ నమస్కారం' అని కూడా అంటారు. రెండు కాళ్ళు, రెండు మోకాళ్ళు, రెండు చేతులు, రొమ్ము మరియు గడ్డం - ఈ ఎనిమిది అంగాలు నేలమీద ఉంచి నడుమును కొద్దిగా పైకి లేపాలి. శ్వాసను పూర్తిగా బయటకు వదలి ఆపాలి.

7.సర్పాసనం (ఓం హిరణ్యగర్భాయ నమః) :- శ్వాసను పీల్చి తలను వెనుకకు వంచాలి.

8.పర్వతాసనం (ఓం మరీచయే నమః) :- ఐదవ స్థితివలెనే కాళ్ళు చేతులు నేలమీద ఆనించి నడుమును పైకి ఎత్తి శ్వాస వదలి తిరిగి పీల్చాలి.

9.ఆంజనేయాసనం (ఓం ఆదిత్యాయ నమః) :- నాలుగవ స్థితివలెనే కుడి పదాన్ని నేలపై ఉంచి, మోకాలును మడచి, ఎడమ పాదాన్ని వెనుకగా వేళ్ళపై ఆనించి, రెండు చేతులను, తలను, నడుమును వెనుకకు వంచాలి

10.పాదహస్తాసనం (ఓం సవిత్రే నమః) :- మూడవ స్థితివలెనే రెండు చేతులను కాళ్ళ దగ్గరగా నేలపై ఆనించి తలను మోకాలుకు ఆనించాలి. శ్వాసను బయటకు వదలి ఆపాలి.

11.హస్త ఉత్తానాసనం (ఓం అర్కాయ నమః) :- రెండవ స్థితివలెనే రెండు చేతులను పైకెత్తి, తలతోపాటు రెండు చేతులను వెనుకకు వంచాలి.

12.నమస్కారాసనం (ఓం భాస్కరాయ నమః) :- నిటారుగా నిలబడి నమస్కారం చేయాలి.

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  దయచేసి దిగువ లింక్‌ని క్లిక్ చేయండి
https://www.youtube.com/channel/UC2xiQi_bbC86VTPXIIwHFYg
 *మీ చంద్రశేఖర్*
🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸❄️❄️

జీవిత సత్యం! (24-Apr-23, Enlightenment Story)

 🌹 *జీవిత సత్యం!*   🌹

 🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️   

24-Apr-23, Monday- దయచేసి శివుడు వీడియో చూడండి 

https://youtube.com/shorts/tDHUTaK96Yg

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️   

    (శ్రీమతే రామానుజాయ నమః)  రుచించక పోయినా ఇదే యదార్థం!

   మూసిన కన్ను తెరవకపోయినా,   తెరిచిన కన్ను మూయకపోయినా,

   శ్వాస తీసుకుని వదలకపోయినా,  వదిలిన శ్వాస తీయకపోయినా,

   ఈ లోకంలో ఈ జన్మకు అదే చివరి చూపు     

మనం ఎవ్వరం అయినా సరే మనల్ని ఈ ప్రపంచం నిర్థాక్ష్యిణ్యంగా మరచి పోయేలా చేస్తుంది కాలం!  విరోధులైనా, స్నేహితులైనా, పశ్చాతాపపడినా, మనసు మార్చుకున్నా మరల కనిపించం.

ఫెయిర్‌ అండ్‌ లవ్‌లీలు, సున్నిపిండితో నున్నగా తీర్చిదిద్దిన ఈ దేహాన్ని నిప్పుల కొలిమిలో కాల్చక తప్పదు!

ఈ క్షణం మాత్రమే నీది, మరుక్షణం ఏవరిదో? ఏమవుతుందో ఎవరికి తెలుసు?

ఈ ప్రపంచాన్ని భస్మీ పటలం చేసే, అణ్వాయుథాలు నీవద్ద ఉన్నా, నీ ఊపిరి ఎప్పుడు ఆగుతుందో, పరమాత్మకు తప్ప ఎవరికీ తెలియదు!

ఈ ప్రపంచాన్ని శాసించేంత గొప్పవారైనా, సంపన్నులైనా బలవంతులైనా అవయవక్షీణం-ఆయుఃక్షీణంను తప్పించుకోజాలరు. ఈ సృష్టిలో మనమే మొదలు కాదు, చివర కాదు.

ఈ దేహంలో మనం అద్దెకు ఉండటానికి వచ్చాము. అద్దె ఇంటిని విడిచివెళ్లేటప్పుడు  మన సామాన్లు మనం తీసుకెళ్లినట్టు మనం చేసిన కర్మలను మనతో  మోసుకువెళ్లక తప్పదు...!

 చెట్టుకూ,  పుట్టకూ, రాయికి, రప్పకు ఉన్న ఆయుర్థాయం కూడా మనకు లేదు. ఈ భూమ్మీద కాలమనే వాహనంలో ఒక చోట ఎక్కి మరో చోట దిగిపోతాం. మనం సహప్రయాణికులం మాత్రమే.

కుటుంబం, స్నేహాలు, శత్రుత్వాలు అన్నీ భ్రమ, మాయ. అశాశ్వతమైన వాటిని జపధ్యానములతో ఛేధిద్దాం. అజ్ఞానం అనే చీకటిని చీల్చే ఖడ్గం ధ్యానం!

అందుకే మనుషుల్లా జీవిద్దాం. మనిషి ఎలా జీవించాలో చెప్పిన రామాయణ, భారత, భాగవతాదులను ఈ జీవితం ముగిసేలోపు తెలుసుకుందాం.  అందులోని  సంశయాలను తీర్చుకుందాం. దీపం ఉండగానే ఇల్లు చక్కపెట్టుకోవడం అంటే పదవిలో ఉండగానే సంపాదించుకోమని కాదు.

భగవంతుడు ఈ శరీరాన్ని ఇచ్చినందుకు నాలుగు పుణ్యకర్మలు ఆచరించి ఈ జీవకోటిలో మనిషి మాత్రమే చేయగలిగే ఉత్తమ కర్మలను ఆచరించాలని పరమార్థం. ఓపిక ఉండగానే నిత్యం గురువుని ఆశ్రయించి ఉపదేశంపొంది ధర్మాచరణ, కర్మాచరణ చేద్దాం!

నిరంతరం భగవత్ ధ్యానంతోఉంటూ, సత్యమైన మార్గం ద్వారా ధనాన్ని ఆర్జించి, తోటి వారికి ఎంతో కొంతపంచుతూ ఉన్నతంగా జీవిద్దాం!

!!!సర్వం శ్రీకృష్ణార్పణమస్తు  లోకా సమస్తా సుఖినోభవ!!!

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  దయచేసి దిగువ లింక్‌ని క్లిక్ చేయండి
https://www.youtube.com/channel/UC2xiQi_bbC86VTPXIIwHFYg
 *మీ చంద్రశేఖర్*
🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸❄️❄️

దేవుడంటే ఏంటి? పూజ చేయకపోతే ఏమవుతుంది? (23-Apr-23, Enlightenment Story)

 *దేవుడంటే ఏంటి?  పూజ చేయకపోతే ఏమవుతుంది? అని*

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️   

23-Apr-23, Sunday- దయచేసి సూర్యభగవానుడు వీడియో చూడండి 

https://youtu.be/kl8yD7vv3bc

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️   

చిన్నపిల్లలే కాదు ..  నేడు చదువుకున్న పెద్దవాళ్ళు కూడా అడిగే ప్రశ్న ఇది. మనవాళ్లు వెంటనే చెప్పే సమాధానం.. "అలా మాట్లాడితే కళ్లుపోతాయి" అని!  మనకు భవవంతుని గురించి అవగాహన లేనప్పుడు... చెప్పడం చేతగానప్పుడు మనం వాడే మాట అదే!.

కళ్లు పోగొట్టడానికి దేవుడేం శాడిస్ట్‌ కాదు గదా ! మనం చెప్పాల్సిన సమాధానం అది కాదు. తెలియని వారికి అలా చెప్పడం వల్ల ... వారికి దేవునిపై మనసు విరిగే ప్రమాదం ఉందని గ్రహించాలి.

*పూజ*అనేది కూడా ఒక యోగ ప్రక్రియ, మనసుతో చేసే వ్యాయామం. మన తెలివితేటలు, జ్ఞానం పెరగడానికి మన మెదడుని మనమే ట్యూన్‌ చేసుకునే ప్రక్రియ. 

"దీప ప్రజ్వలనం" అనేది.. త్రాటకం అనే యోగ ప్రక్రియ.

రోజూ ఓ మూడు నిమిషాలు నూనె దీపాన్ని తదేకంగా చూస్తే.... కంటి జబ్బులను అరికట్టవచ్చు అని పెద్దలు చెప్పిన మాట.

ఏదైనా కష్టమైన మంత్రాన్ని ఓ 11 సార్లు జపిస్తే.. నాలిక మొద్దుబారదు. అది నాలికకు ఎక్సర్‌సైజ్‌. అందువల్ల ఎటువంటి కష్టమైన పదాలనైనా పలకగలిగే శక్తి వస్తుంది, ధారణ శక్తి పెరుగుతుంది. భాష మీద పట్టు పెరిగితే.స్టేజ్‌ ఫియర్ కూడా‌ పోతుంది.

పూజ అంటే చాదస్తం కాదు. మన ఆరోగ్యం, మన జ్ఞానానికి సంబంధించిన విషయమని చెప్పండి. మన హిందూ ధర్మాన్ని ప్రోత్సహించండి. అదే సమయంలొ మూఢ విశ్వాసాలకు దూరం గా ఉండే విధంగా పిల్లలను తయారు చేయాల్సిన బాధ్యత కూడా పెద్దవారిపై ఉంది.

1. మూలవిరాట్ 🚩 భూమిలో ఎక్కడైతే electronic & magnetic తరంగాలు కలుస్తాయో అక్కడ మూల విరాట్ ఉంటుంది. ప్రతిష్ఠించే ముందు రాగి రేకులను కాల్చి ఉంచుతారు. అవి ఈ తరంగాలకు catalyst గా పని చేస్తాయి.

 2. ప్రదక్షిణ🚩 మనం గుడి చుట్టు clockwise direction లో తిరిగినపుడు ఆ తరంగాల శక్తి మన దేహానికి వస్తుంది. గుడిలోనే దేవుడు వుంటాడా అనేది ఒక వాదన.. ఎక్కడైన వుంటాడు, కాని ఈ దేవాలయ దర్శనం అందుకు పెట్టారు. పుణ్యక్షేత్రాలు Vedic architecture మీద ఆధారపడి వుంటాయి. యివి మన శరీరం లోని షఠ్ చక్రాలను ప్రభావితం చేస్తాయి.

 3. ఆభరణాలతో దర్శనం 🚩 ఆడవారిని మగవారిని నగలు వేసుకుని గుడికి వెళ్ళమనేది మన సంపదను చూపించడానికి కాదు.. బంగారం వంటివి ఈ తరంగాలను బాగా గ్రహిస్తాయని.

 4. కొబ్బరి కాయ 🚩 ఇది స్వచ్ఛతకు గుర్తు. పై టెంక మన అహంకారాన్ని.. దాన్ని పగలగొడితే వచ్చే కొబ్బరి మన కల్మషం లేని మనసును.. అవతలి వారి ప్రేమ కొబ్బరినీళ్ళు అంత తియ్యగా ఉంటాయి అనడానికి సంకేతం.

 5. మంత్రాలు 🚩 ఉదాహరణకు మనం ఒక ఫోన్ నెంబర్ గుర్తుంచుకోవాలి అంటే 96.. 26.. అలా ఒక పధ్ధతిలో అమరుస్తాం.. అంటే    మనకి తెలియకుండానే neurons ని ఏక్టివేట్ చేసి డేటాని దాస్తున్నాం.. అదే విధంగా మంత్రోచ్ఛారణలు అక్షర  నియమంతో ఒక లయను కల్గి neuron లను ఉత్తేజపరువస్తాయి.

6. గర్భగుడి 🚩 గర్భగుడి ద్వారం ఒక వైపుకు ఉండటం వల్ల ఆ శక్తిని మన శరీరం గ్రహిస్తుంది. అందుకే మరీ ఎదురుగా కాక ఒక వైపుకు ఉండమంటారు.

7. అభిషేకం 🚩 విగ్రహాలు పంచ లోహాలతో ఉంటాయి.. వాటికి పాలు, తేనె వంటి వాటితో అభిషేకించి నపుడు కింద ఉన్న తరంగాల శక్తితో ఔషధ గుణాన్ని సంతరించు కుంటాయి. అంతేగాని సినీ కటౌట్ లకు పాలాభిషేకాలు మూర్ఖత్వం.

8.  హారతి 🚩 పచ్చ కర్పూరానికి ఎన్నో ఔషధ గుణాలు.. హారతి తీసుకునేటపుడు ఆ వెచ్చదనాన్ని మన కంటికి తగిలేలా చేయాలి.. దీనికి ఆయుర్వేద పరిభాష లో ‘స్వేదకర్మ’ అని పేరు. ఊరికే గాల్లో హారతి తీసుకుంటే చాలదు.

9. తీర్థం 🚩 ఇందులో పచ్చ కర్పూరం.. తులసి.. లవంగాలు ఇలా ఎన్నో.. పంచామృతంతో అభిషేకం చేసినవి తీర్థం గా ఇస్తారు.

10.  మడి 🚩 తడిబట్టలకి ఆక్సిజన్ ని ఎక్కువగా తీసుకునే గుణం ఉంటుంది.. అందుకే మడి..!✍️

  🌷🙏🌷*సర్వం శ్రీకృష్ణార్పణమస్తు*  🌷🙏🌷

  🌷🙏🌷*సర్వం శ్రీకృష్ణార్పణమస్తు*  🌷🙏🌷     

  🌷🙏🌷*సర్వం శ్రీకృష్ణార్పణమస్తు*  🌷🙏🌷          

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  దయచేసి దిగువ లింక్‌ని క్లిక్ చేయండి
https://www.youtube.com/channel/UC2xiQi_bbC86VTPXIIwHFYg
 *మీ చంద్రశేఖర్*
🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸❄️❄️

స్వామివారి హామీ (22-Apr-23, Enlightenment Story)

 *స్వామివారి హామీ*  

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️

22-Apr-23, Saturday - దయచేసి శ్రీవారు వీడియో చూడండి 

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️

*స్వామికి బియ్యం తెచ్చాను..రేప్పొద్దున పొంగలి పెట్టుకొని నేనూ మా కుటుంబం అంతా స్వామిని దర్శించుకుంటాము..రాత్రికి ఇక్కడే ఉంటాము..రేపు మా మనవడికి ఇక్కడ పేరు పెట్టించాలి.." అన్నాడు ఆ పెద్దమనిషి..దగ్గర దగ్గర అరవై ఏళ్ల వయసుంటుంది..ఆయన పేరు దేవరకొండ వెంకటేశ్వర్లు..ఉప్పుగుండూరు గ్రామం..రశీదు రాసిచ్చాను..తీసుకొని వెళ్ళిపోయాడు.*

ఆరోజు శనివారం..సాయంత్రం పల్లకీసేవ హడావిడిలో మేమున్నాము..బియ్యం తెచ్చి ఇచ్చిన వెంకటేశ్వర్లు కూడా తన భార్యా బిడ్డలతో కలిసి పల్లకీసేవ లో పాల్గొనడానికి మంటపం లో కూర్చుని వున్నాడు..శ్రీ స్వామివారి పల్లకీ ప్రదక్షిణాలకు బైలుదేరేముందు తన కుమారుడికి చెప్పి, అతని చేత పల్లకీ మోయించాడు..ఆ కుమారుడు కూడా అత్యంత భక్తిగా పల్లకీ మోసాడు..

ఆ కార్యక్రమం పూర్తీ కాగానే..వెంకటేశ్వర్లు మళ్లీ నా దగ్గరకు వచ్చి.."రేపుదయం మా మనవడికి పేరు పెట్టాలి అని చెప్పాను కదా..ఎన్ని గంటలకు మమ్మల్ని రమ్మంటావు..?" అని అడిగాడు..ఉదయం పది గంటలకు రమ్మన్నాను..సరే అని వెళ్ళిపోయాడు..ప్రక్కరోజు ఆదివారం నాటి  ప్రభాతసేవ కార్యక్రమం పూర్తి కాగానే..దర్శనానికి వచ్చే భక్తుల తాకిడి మాకు ఎక్కువగా ఉంటుంది..ఆ హడావుడిలో వెంకటేశ్వర్లు విషయమే నాకు గుర్తు రాలేదు..

అర్చక స్వాములకు ఒక నామకరణ కార్యక్రమం ఉన్నదీ అని చెప్పడం మర్చిపోయాను..ఈలోపల ఇద్దరు ముగ్గురు భక్తులు శ్రీ స్వామివారి విగ్రహానికి అభిషేకం చేయించుకోవాలని పూజా సామాగ్రి తీసుకొని లోపలికి వచ్చేసారు..అర్చక స్వాములు అభిషేకాలు చేయడం కొద్దిగా ఆలస్యం అవుతుందనీ..పది గంటలకు అభిషేకం చేస్తామని వాళ్లకు నచ్చచెప్పి..ఒక ప్రక్కన కూర్చోబెట్టారు..సరిగ్గా అప్పుడు నాకు గుర్తుకొచ్చింది..

వెంకటేశ్వర్లు కు కూడా పది గంటలకే నామకరణం చేస్తామని చెప్పాను కదా..అభిషేకము , నామకరణం రెండూ ఒకేసారి జరుపలేము కదా..అని..పూజారి ని పిలిచి విషయం చెప్పాను..పూజారి గారు ఒక్కక్షణం ఆలోచించి.."ముందు అభిషేకాలు పూర్తి చేస్తాను..వెంకటేశ్వర్లు కు నచ్చచెప్పి నామకరణం ఆ తరువాత చేస్తాను..వెంకటేశ్వర్లు వాళ్ళు కూర్చొని వుంటారు లేండి..మీరేమీ కంగారు పడకండి.." అన్నారు..

తొమ్మిదిన్నరకే వెంకటేశ్వర్లు తన కుటుంబం తో సహా లోపలికి వచ్చాడు..అతనిని దగ్గరకు పిలిచి.."అభిషేకాలు ఉన్నాయి..అవి పూర్తి కాగానే మీ మనుమడికి నామకరణం చేయిస్తాను..కొద్దిగా ఆలస్యం అవుతుంది.." అన్నాను.."అయ్యా నా కుమారుడి నామకరణం ఇక్కడే చేసాను..నా మనుమడికి నామకరణం ఇక్కడే అనుకున్నాను..నా విషయంలో స్వామివారు ఒక్క నిమిషం కూడా ఆలస్యం చేయరు..అంతా అనుకున్న సమయానికే పూర్తి అవుతుంది.." అన్నాడు.."అంత నమ్మకంగా చెపుతున్నావే..ఏమిటి కారణం..? " అన్నాను..

"నా చిన్నతనం లో నేనూ మా నాయనా మాలకొండ వచ్చాము..అప్పుడు స్వామివారు  అమ్మవారి మఠం లో వున్నారు..మా నాయన తో ఉన్న నన్ను చూసి, "వీడు నీ కుమారుడా..అని అడిగారు..అవునన్నాడు మా నాయన..వీడికి అన్నీ సక్రమంగా జరుగుతాయిలే..నువ్వు వీడివల్ల ఇబ్బంది పడవు.." అన్నారు..అదిగో ఆనాటి నుంచి..నాకు ఏ కష్టమూ రాలేదు..నేను కూడా ఈ స్వామినే నమ్ముకున్నాను..నా పెళ్లి ఇక్కడే జరిగింది..నా కుమారుడి నామకరణం ఇక్కడే చేసాను..వాడి పెళ్ళీ ఇక్కడే జరిపించాను..ఇప్పుడు మనుమడి కోసం వచ్చాను..ఆలస్యం అని నువ్వు చెపుతున్నావు..స్వామి ఏ ఏర్పాటు చేస్తాడో..చూద్దాం.." అన్నాడు.

వెంకటేశ్వర్లు ఆ మాట ముగించే లోపలే..మా అర్చక స్వామి నా వద్దకు వచ్చి.."ఎవరిదో నామకరణం వుందన్నారుగా..వాళ్ళను పిలవండి..ఆ కార్యక్రమం పూర్తి చేస్తాను.." అన్నారు..నేను ఆశ్చర్యంగా చూసాను.."అభిషేకాలు ఉన్నాయని అనుకున్నాము కదా..మరి వాళ్ళ సంగతి..? " అన్నాను..

"ఏమో సార్..ఇప్పటిదాకా అభిషేకం ఎప్పుడు? అని అడిగారు..తీరా నేను వాళ్ళను రమ్మని పిలిచే సరికి.."ఇప్పుడు అభిషేకం వద్దు..మా వాళ్ళు బైటకు వెళ్లారు..తరువాత చేయించుకుంటాము"..అన్నారు..ఈలోపల ఈ నామకరణం చేద్దామని అనుకున్నాను.." అన్నారు..

"వీడికి అన్నీ సక్రమంగా జరుగుతాయిలే.." అని స్వామివారు వెంకటేశ్వర్లు విషయంలో స్వయంగా చెప్పిన ఆనాటి మాట..మా కళ్ళముందే ఋజువు అయింది..

వెంకటేశ్వర్లు కు సాక్షాత్తూ స్వామివారే హామీ ఇచ్చి వున్నారు మరి!!

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  దయచేసి దిగువ లింక్‌ని క్లిక్ చేయండి
https://www.youtube.com/channel/UC2xiQi_bbC86VTPXIIwHFYg
 *మీ చంద్రశేఖర్*
🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸❄️❄️

పరిశీలాత్మక శక్తి - బోర్డ్ అంతా షాక్ (21-Apr-23, Enlightenment Story)

  *పరిశీలాత్మక శక్తి *  

🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️❄️🌸❄️🌸❄️ 

బ్రహ్మానందం నెమ్మదిగా  ఇంటర్వ్యూ జరుగుతున్న రూమ్ డోర్ ని తట్టాడు. కొద్దిగా డోర్ తెరిచి "మే ఐ కమిన్ సార్?" అన్నాడు. ఇంటర్వ్యూ బోర్డులో కూర్చున్న వారిలో ఒకరు. "ఎస్! కమిన్!" అన్నాడు. లోపలికి అడుగు పెట్టిన బ్రహ్మానందం వారితో ఏదో చెప్పబోయాడు. 

"ఫస్ట్ యూ సిట్!" అన్నారు వాళ్ళు.ఇక గత్యంతరం లేక కూర్చున్నాడు బ్రహ్మానందం. బోర్డ్ సభ్యుల్లో ఒకరు "ఈ గది గురించి నీ అభిప్రాయం ఏమిటి?" అని అడిగాడు గంభీరంగా.

"చక్కని ఫర్నీషింగ్ తో చాలా బాగుంది సార్! మంచి అందమైన కార్పెట్, కిటికీలకు అత్యంత సుందరమైన కర్టెన్స్, బోర్డ్, ప్రొజెక్టర్, వైట్ స్క్రీన్ చాలా గొప్పగా, కళాత్మకంగా ఉంది సార్!"

"ఓహ్! నైస్ అబ్సర్వేషన్!  కానీ పేపర్ ముక్కలు ఉండ చుట్టి ఓ పక్కన పడి ఉన్నాయి. అది గమనించలేదా? ఇంత అందమైన రూమ్ కి దిష్టి చుక్కలా లేదా?"

"సార్! నేను రూమ్ లోకి అడుగుపెట్టినప్పుడే అది చూశాను. కానీ నేను ఆ విషయం చెబితే, ఆ ఉండలు పడేసిన వ్యక్తి ఫీల్ అవుతాడు కదా! అందుకే చెప్పలేదు. అది పడేసిన వ్యక్తి ఎడమ వైపు నుంచి రెండవ స్థానంలో కూర్చున్నాడు. అతని వద్ద ఉన్న ప్యాడ్ పైన పేపర్స్ చించినట్టు కనిపిస్తోంది. పక్కన మరో రెండు ఉండలు పడి ఉన్నాయి"

"గుడ్! నీలో మంచి పరిశీలాత్మక శక్తి ఉంది. బయట ఉన్న స్వీపర్ ను ఓ సారి పిలిచి, క్లీన్ చేయమని చెప్పగలవా?"ఎస్ సార్!అమె పేరుచెప్పండి!"  బోర్డ్ మెంబర్స్ ఎవరూ మాట్లాడలేదు. "ఓకే సార్! మీకెవ్వరికీ ఆమె పేరు ఏంటో తెలియదనుకుంటా! ఎనీవే! నేను కనుక్కుని, పిలుస్తాను!" 

అని రూమ్ బయటకు వెళ్ళాడు. అక్కడ ఉన్న హెల్పర్ బాయ్ ని అడిగి, పేరు తెలుసుకుని, ఆమెను పిలిచి రూమ్ క్లీన్ చేయమనిచెప్పాడు. ఆమె వచ్చి, క్లీన్ చేసి, వెళ్ళింది. 

మళ్ళీ ఇంటర్వ్యూ మొదలుపెట్టారు.

"నువ్వు చాలా మంచి పని చేసావు. గుడ్! ఏ పని చేసేవారిని అయినా నువ్వు గౌరవిస్తావన్నమాట! ఈ ప్రశ్నకు జవాబు చెప్పు! ఇక్కడ ఉన్న మాలో ఎవరు ఏ కంపెనీ బాస్ నో చెప్పగలవా?"

"ఎస్ సార్! మీలో ఆ ఇద్దరూ జస్ట్ వాచింగ్. చూస్తూ కూర్చున్నారు అంతే!   వారిలో ఒకరు ఫైనాన్స్ పర్సన్ అంటే శాలరీ బేరసారాలు చేసే వ్యక్తి. ఇక రెండో ఆయన హెచ్ ఆర్ అతను. ఆ చివర కూర్చున్న వ్యక్తి కేవలం ఓ చిన్న నవ్వు నవ్వడం, అప్పుడప్పుడు మాట్లాడుతున్నాడు. అతనే అసలైన బాస్! మధ్యలో కూర్చున్న వ్యక్తి మీ అందరితో తెగ మాట్లాడుతూ వున్నట్టు ప్రవర్తిస్తున్నాడు. అతనే బాస్ అని నేను కన్ఫ్యూజ్ అవ్వాలనేమో!" అని వివరించాడు బ్రహ్మానందం.

వెంటనే సంతోషంగా చప్పట్లు చరిచి "అద్భుతంగా వివరించావు. మేము నీవంటి క్యాండిడేట్ కోసమే చూస్తున్నాము. యూ ఆర్ సెలెక్టెడ్! బయట వెయిట్ చేసి, నీ అపాయింట్మెంట్ ఆర్డర్ తీసుకో!"

"ఇంకా ప్రశ్నలు అడగరా సార్? సర్దార్ పటేల్ స్టాట్యూ హైట్ ఎంత? రాష్ట్రపతి అవ్వకమునుపు ఆమె ఎక్కడ ఎమ్మెల్యే గా చేసింది?  మొదలైన ప్రశ్నలు అడగరా?" 

"ఇంకా ప్రశ్నలు అడిగే అవసరం లేదు. నీ పేరు ఒక్కటి కన్ఫర్మ్ చేసుకోవాలి. యూ ఆర్ మిస్టర్ గిరిధర్ ఫ్రమ్ హైదరాబాద్. కరెక్టే కదా!"

"సారీ సార్! అతను బయట వెయిట్ చేస్తున్నాడు"

"అయితే నువ్వు ఎవరు?"

"సార్! నేను మీ కంపెనీ పక్కన క్యాంటీన్ లో మేనేజర్ గా చేస్తున్నాను. ఇవ్వాళ ఇంటర్వ్యూలు ఉన్నాయని, టీ, కాఫీలు చెప్పారు. అవి ఎన్ని కావాలి? ఇంకా స్నాక్స్ ఐటమ్స్ ఏమైనా కావాలేమో కనుక్కుని రమ్మని నన్ను పంపించారు. నేను అదే చెప్పబోతుంటే విన్పించు కోకుండా కూర్చోమని, ఇంటర్వ్యూ చేశారు. 

ఈ ఇంటర్వ్యూ చాలా బావుంది సార్! చాలాఎంజాయ్ చేశాను. ఇప్పుడు చెప్పండి! ఎన్ని కాఫీలు, టీలు కావాలి? ఎన్ని తీసుకురమ్మంటారు?" అని అడిగాడు అదే నమ్రతతో.


 బోర్డ్ అంతా షాక్


🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  దయచేసి దిగువ లింక్‌ని క్లిక్ చేయండి
https://www.youtube.com/channel/UC2xiQi_bbC86VTPXIIwHFYg
 *మీ చంద్రశేఖర్*
🌸❄️🌸❄️🌸❄️❄️🌸❄️🌸❄️🌸❄️🌸❄️🌸❄️❄️🌸❄️🌸❄️🌸🌸❄️🌸❄️🌸❄️❄️

అన్నదాన మహిమ (04-July-24, Enlightenment Story)

 అన్నదాన మహిమ 🍀🌺🍀🌺  🍀🌺🍀🌺 పూర్వం ఒక ఊరిలో చాలామంది కోటీశ్వరులుండేవారు. వారికి ఎన్ని కోట్లు ధనముంటే అన్ని జెండాలను వారి మేడలపై ఎగురవేస...