అన్నం విలువ (13-Mar-24, Enlightenment Story)

 *అన్నం విలువ*

☘️☘️🌼🌼🌼🌻☘️☘️

ఒక స్కూల్లో చిన్న పిల్లవాడు భోజన సమయంలో తన మిత్రులతో పాటు తాను తెచ్చుకున్న ఆహారాన్ని తినేవాడు. ఆ అబ్బాయి తాను తెచ్చుకున్న అన్నాన్ని ఒక్క మెతుకు కూడా క్రింద పడకుండా, పదార్థాలను వృధా చేయకుండా తినేవాడు. అతని స్నేహితుల్లో చాలా మంది ఇంటి నుండి తెచ్చుకున్న అన్నాన్ని సరిగ్గ తినకుండా, క్రింద పైన వేసుకుంటూ తినేవారు. మరికొందరైతే గొడవపడుతూ కోపంతో ఆహారాన్ని విసిరిపారేస్తుంటారు. కానీ ఈ అబ్బాయి మాత్రం ఒక్క మెతుకు కూడా పారేయకుండా తినేవాడు.

ఒకవేళ తాను తెచ్చుకున్న బాక్స్ కు ఎక్కడైనా రెండు మెతుకులు అతుక్కుని ఉన్నాకూడా వాటిని కూడా తినేవాడు. అది చూసి మిగతా పిల్లలు ఈ అబ్బాయిని ఎగతాళి చేసేవారు. " అరే! వీడొక తిండిపోతు రా! ఒక్కమెతుకుకూడా వదలకుండా తింటాడు"అని ఎగతాళి చేసినా ఈ అబ్బాయి పట్టించుకునేవాడు కాదు. ఈ అబ్బాయి స్నేహితుడు ఇవన్నీ రోజూ గమనిస్తూ ఉండేవాడు, ఒకరోజు తన మిత్రున్ని ఇలా అడిగాడు.

"నువ్వు ప్రతిరోజూ ఇలా నీవు తెచ్చుకున్న ఆహారాన్ని వృధా చేయకుండా ఇంత చక్కగా తింటున్నావు కదా!  మిగతావాళ్ళు నిన్ను ఎగతాళి చేస్తున్నా నీకు బాధ అనిపించదా? " దానికి ఈ అబ్బాయి ఇలా సమాధానం ఇచ్చాడు.

"ఏదో వారికి తెలియకుండా నన్ను ఎగతాళి చేస్తున్నారు. నాకేం బాధలేదు. ఇక నేను అలా తినడానికి కారణం చెప్పనా? అలా తినడం అన్నది. నా తల్లిదండ్రులకు నేను ఇచ్చే మర్యాదకు చిహ్నం.

అమ్మ ఉదయాన్నే లేచి నాకు ఇష్టమైన పదార్థాలను అడిగి వండి ప్రేమతో బాక్స్ లో పెట్టి పంపిస్తుంది,
వండటానికి కావలసిన వస్తువులను నాన్న ఎంతో కష్టపడి పనిచేసి ఆ సంపాదనతో సాయంత్రానికి తెస్తాడు. ఇద్దరి ప్రేమతో పాటు వారి కష్టంకూడా నా భోజనంలో ఉంది. అలాంటప్పుడు నేను ఒక్క మెతుకును వృధా చేసినా వారికి అగౌరవ పరచినట్లే!

అంతేకాదు ఒక రైతు తన చెమటను చిందించి పంటను పండిస్తాడు. అతన్ని కూడా నేను అవమానపరిచినట్లే కదా! అందుకే నేను ఎవరు  నవ్వుకున్నా ఒక్క మెతుకును కూడా వృధా చేయను

అంతేకాదు ఎంతోమందికి రెండుపూటలా కడుపునిండా అన్నం దొరకడం లేదు. నాకు దొరికింది.
నా తల్లిదండ్రుల పుణ్యమా అని, అమ్మ ఎప్పుడూ చెపుతుంది. ఆహారాన్ని వృధా చేయకూడదని "
అని చాలా చక్కగా చెప్పాడు.

ప్రతి ఉపాధ్యాయుడూ, తల్లిదండ్రులు తమ పిల్లలకు ఇలాంటివి చెప్పి వారిలో ఆలోచనా విధానంలో మార్పుతేవలసిన అవసరం ఎంతైనా ఉంది.

 *జై శ్రీ రామ్*

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️☘️

*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  

దయచేసి దిగువ లింక్‌ని క్లిక్ చేయండి

www.youtube.com/@Enlightmentlife 

 *మీ చంద్రశేఖర్* (Cell:+1-314-562-5762)

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️

అసలైన ప్రశాంతత (12-Mar-24, Enlightenment Story)

 అసలైన ప్రశాంతత

🌺🍀🌺🍀🌺🌺🍀🌺🍀

ఓ రాజుగారు ప్రశాంతతకు ప్రతీకగా నిలిచే అద్భుత చిత్రాన్ని గీయించి, తన మందిరంలో తగిలించుకోవాలనుకున్నాడు. అది తెలిసి ఎందరో చిత్రకారులు మహారాజును మెప్పించాలని ప్రయత్నించారు.

మంత్రి ఎంతో ఆలోచించి రెండింటిని ఎంపిక చేశాడు. అందులో ఒకదాంట్లో దూదిపింజల్లాంటి మబ్బులు, సెలయేరు, పూలతేరుతో ప్రశాంతతకు ప్రతీకలా ఉంది. రాజుకీ అదే నచ్చుతుంది అనుకున్నారంతా. రెండో చిత్రంలో కొండలూ లోయలూ ఉధృత జలధారలు, కారుమబ్బులు, కుండపోత వర్షంతో ప్రళయం విలయతాండవం చేస్తున్నట్టుంది.

 ‘రాజుగారు అడిగింది ఉగ్రరూపం కాదు, ప్రశాంతత కదా’ అనుకున్న సభికులు చిత్రకారుడి వైపు జాలిగా చూశారు. కానీ ఆశ్చర్యంగా ఆ చిత్రమే రాజుగారి మనసును దోచుకుంది. సభాసదులు అందులో ప్రళయ దృశ్యాన్నే చూశారు.

కానీ రాజు జలధారల హోరు పక్కన చిత్రకారుడు ఒద్దికగా గీసిన పక్షిగూటిని చూశాడు. ప్రకృతి బీభత్సం నడుమ కూడా పచ్చనిపొదలో వెచ్చని గూటిలో తల్లిపక్షి పిల్లగువ్వతో ఒదిగి ప్రశాంతంగా కూర్చుంది.

శాంతి అంటే ఏ అలజళ్లూ లేనప్పుడు ఉండే మానసిక స్థితి కాదు, నలువైపులా అల్లకల్లోలం అలముకున్నా నిశ్చలంగా నిలవడమే నిజమైన శాంతి’ అంటూ ఆ చిత్రానికే బహుమతి ప్రకటించాడు.

 *జై శ్రీ రామ్*

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️☘️

*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  

దయచేసి దిగువ లింక్‌ని క్లిక్ చేయండి

www.youtube.com/@Enlightmentlife 

 *మీ చంద్రశేఖర్* (Cell:+1-314-562-5762)

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️

శివ మహిమ (11-Mar-24, Enlightenment Story)

 శివ మహిమ

🌺🍀🌺🍀🌺🌺🍀

ప్రపంచాన్ని నిర్వహించే పరమ చైతన్యాన్ని 'జ్యోతి'గా వేదం వర్ణించింది. సూర్య, నక్షత్రాదులకూ ప్రకాశాన్నిచ్చి, విశ్వ చలనానికి హేతువైన ఆ 'పరంజ్యోతి' శుద్ధమై, శాంతమై, శుభమై ఉన్న స్వయంప్రకాశ పరమేశ్వర స్వరూపం. అదే అన్నింటిలో లీనమై ఉంటూ, అన్నింటినీ లీనం చేసుకొనేది కనుక 'జ్యోతిర్లింగం' అంటారు. ఆది- మధ్య-అంతం లేని అఖండ జ్యోతిర్లింగాన్ని ఆరాధించడం అత్యంత ప్రాచీన కాలం నుంచి కొనసాగుతున్న సంప్రదాయం.

తపస్సు-యోగం-శాంతం... ఈ మూడూ మూర్తీభవించిన శివతత్త్వం, తన స్వాభావిక పరాశక్తితో ప్రత్యణువును శాసిస్తుంది. ఆ శక్తినే జగన్మాతగా, శక్తిమంతుని ఈశ్వరుడిగా, వారిరువురి ఏకత్వాన్ని 'అర్ధనారీశ్వరుడి'గా సంభావించారు. ఋషులు నిరంతరం సాగే సృష్టి స్థితి లయల చలనాన్ని నాట్యంగా, ఆ చలన కారకుని 'నటరాజు'గా సాక్షాత్కరించుకున్నారు. ప్రసిద్ధిగా భారతీయులు ధ్యానించి పూజించే శివుడి రూపాల్లోను, లింగాకారంలోను ఎన్నో తాత్త్విక, జ్ఞాన విశేషాలు దాగి ఉన్నాయని- వేదాది ఆర్షగ్రంథాలను, విజ్ఞానశాస్త్రాన్ని సమన్వయించి ఎందరో విజ్ఞులు వ్యాఖ్యానించారు.

హిమాలయాల కేదారేశుని మొదలుకొని, సేతువులోని రామేశ్వరం వరకు భారతదేశ 'ఆసేతుహిమాచలం' ఎన్నెన్నో ప్రసిద్ధ శివక్షేత్రాలు నిండి ఉన్నాయి. సంవత్సరంలో ఎన్నో వారాలు, తిథులు శివార్చ నకు ప్రత్యేకమైనవని పురాణాలు, ఆగమాలు వివరించాయి.

ప్రతినెలా వచ్చే బహుళ చతుర్దశి 'మాసశివరాత్రి'గా శివధ్యాన, అర్చన, అభిషేకాది క్రియలకు ప్రశస్తమని పురాణ శాసనం. ఆ క్రమంలో మాఘమాసంలోని కృష్ణపక్ష చతుర్దశి నాటి మాసశివరాత్రి 'మహాశివరాత్రి'గా ప్రఖ్యాతి పొందింది. నేడు చేసే వ్రతం సంవత్సరకాల శివారాధనాఫలాన్ని ప్రసాదిస్తుందని శైవశాస్త్రాలు చాటుతున్నాయి.

ఉపవాస, జాగరణలతో స్వయంగా శివలింగార్చన చేసుకోవడం, ఆలయాలలో శివదర్శనం విశేష ఫలప్రదాలన్న శాస్త్రోక్తి అసంఖ్యాక భక్తుల శ్రద్ధగా రూపుదిద్దుకొంది. శివనామ స్మరణ, మంత్రజపం, అర్చన, అభిషేకం, సంకీర్తన, ధ్యానం, లీలాకథా శ్రవణం, భస్మ రుద్రాక్షధారణ... ఇవన్నీ 'శివధర్మాలు' అనిపించుకుంటాయి. మహాశివరాత్రి పర్వాన్ని 'శివధర్మవృద్ధి కాలం అని శివపురాణం వర్ణించింది. పై శివధర్మాలలో ఏ ఒక్కటి ఆచరించినా, ఈ పర్వవేళ అత్యధిక ఫలాలు ఒనగూడుతాయని అనేక ఇతివృత్తాలతో పురాణ ఋషులు సోదాహరణంగా విశదపరచారు.

ధ్యాన సమాధికి సంకేతమైన శివరాత్రిలో అర్ధరాత్రి సమయాన్ని 'తురీయ సంధ్య' అని, 'లింగోద్భవ కాలం' అని అంటారు. ఆ సమయాన శివాలయాల్లో స్వామికి ప్రత్యేక అలంకరణలు, పూజలు నిర్వహిస్తారు. కొందరు ధ్యానంతో, ఇంకొందరు సంకీర్తనతో శివమయమైన ఆనందాన్ని అనుభవిస్తారు.

వీరభద్ర, భైరవాది ఉగ్ర రూపాలతోను, దక్షిణామూర్తి, అర్ధనారీశ్వర, తపోమూర్తి వంటి శాంత రూపాలతోను; ఏ రూపమూ లేని శుద్ధ జ్యోతిర్లింగంగాను... అనేక విధాలుగా తన సచ్చిదానంద లక్షణాన్ని వ్యక్తపరచే మహాదేవుడి లీలలను స్మరిస్తూ ఈ మహాశివరాత్రి పర్వాన పరమేశ్వరుణ్ని ప్రార్ధిస్తూ... శివాయనమః!

 *జై శ్రీ రామ్*

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️☘️

*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  

దయచేసి దిగువ లింక్‌ని క్లిక్ చేయండి

www.youtube.com/@Enlightmentlife 

 *మీ చంద్రశేఖర్* (Cell:+1-314-562-5762)

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️

ప్రార్థన యొక్క శక్తి (10-Mar-24, Enlightenment Story)

 *ప్రార్థన యొక్క శక్తి*

🌺🍀🌺🍀🌺🌺🍀🌺

 ఒక వృద్ధురాలు కూరగాయల దుకాణానికి వెళ్ళింది.  కానీ కొనడానికి ఆమె వద్ద డబ్బు లేదు. కూరగాయలు అప్పుగా ఇవ్వమని దుకాణదారుని అభ్యర్థించింది, కానీ దుకాణదారుడు నిరాకరించాడు. ఆమె పదే పదే అడుగగా, దుకాణదారుడు "నీ వద్ద ఏదైనా విలువైన వస్తువు ఉంటే, ఈ త్రాసుపై ఉంచు. దాని బరువుకు సమానమైన కూరగాయలు ఇస్తాను", అని చెప్పాడు.

 వృద్ధురాలు కాసేపు ఆలోచించింది.  ఆమె వద్ద అలాంటిదేమీ లేదు.  కాసేపు ఆలోచించిన తర్వాత, ఒక కాగితం తీసి, దానిపై ఏదో రాసి, త్రాసుకి ఒక వైపు ఉంచింది.

అది చూసి దుకాణదారుడు నవ్వడం మొదలుపెట్టాడు. అయినప్పటికీ, కొన్ని కూరగాయలను తీసి, త్రాసులోని ఒక తక్కెడలో పెట్టి ఆశ్చర్యపోయాడు!  కారణం, కాగితం ఉన్న తక్కెడ దిగువకు, కూరగాయల తక్కెడ పైకి కదిలింది.  అప్పుడు అతను మరిన్ని కూరగాయలను వేసాడు, కాని కాగితం ఉన్న తక్కెడ పైకి రాలేదు.  ఇప్పుడు దుకాణదారుడు మరికొన్ని కూరగాయలను ఉంచాడు, కాని కాగితం ఉన్న తక్కెడ మాత్రం ఇప్పటికీ క్రిందకే ఉంది.

ఎన్ని కూరగాయలు వేసినా, కాగితం ఉన్న తక్కెడ పైకి లేవకపోవడంతో, దుకాణదారుడు విసుగు చెంది, కాగితం తీసుకుని దాని మీద ఏమి వ్రాసిఉందో చదివాడు.

 కాగితంలో ఇలా రాసి ఉంది,

 *" ఓ భగవంతుడా, నన్ను చూసుకునే బాధ్యత నీదే, ఇప్పుడు ప్రతిదీ మీ చేతుల్లోనే ఉంది."* 

ఇది చదివి దుకాణదారుడు చాలా ఆశ్చర్యపోయి, తన కళ్లను తానే నమ్మలేక ఆ కాగితాన్ని మళ్లీ మళ్లీ చదివాడు.  కానీ ఏమీ అర్థం కాలేదు,  ఏమీ మాట్లాడకుండా కూరగాయలు వృద్ధురాలికి ఇచ్చాడు.

 అక్కడే నిలబడి ఇదంతా చూస్తున్న మరొక వ్యక్తి,

 *"ఆశ్చర్యపోవద్దు ! ఆ ముసలావిడ ఈ కాగితంపై హృదయపూర్వకంగా ప్రార్థన వ్రాసింది, ప్రార్థన విలువ ఆ భగవంతునికి మాత్రమే తెలుసు"*

 అని దుకాణదారునికి వివరించాడు.

 మనం భగవంతుని ప్రార్థించాలి, మన జీవితంలో ఆయన ఉనికిని అనుభవించడంలో సహాయం చేయమని ఆయనను అభ్యర్థించాలి. ఒక గంటైనా, నిమిషం అయినా సరే, ప్రార్థన హృదయపూర్వకంగా చేస్తే, భగవంతుడు తప్పకుండా సహాయం చేస్తాడు.  ఈ కథలో కూరగాయల అమ్ముకునేవాడు, కొంటున్న వృద్ధురాలి  ప్రార్థన రూపంలో భగవంతుని ఉనికిని అనుభవించాడు.

 *మనం భగవంతుని ప్రత్యక్షంగా చూడలేం, కానీ చాలా సూక్ష్మ ప్రకంపనల ద్వారా ఆయన ఉనికిని అనుభూతి చెందగలం.  ఆయన మాట వినడానికి మనం   మౌనం  పాటించాలి...*
*ఎందుకంటే భగవంతుని భాష నిశ్శబ్దం, అది దానికి అదే సంపూర్ణమైనది.*

*నిజానికి, మనం చేసే ప్రతి పనిలో భగవంతుడిని భాగస్వామిగా చేసుకోవాలి.  మనం ఆయన గురించి ఆలోచించినప్పుడు, మన సమస్యలపై మన దృక్పథం కూడా మారడం మొదలవుతుంది.*

  ప్రేమ, భక్తితో నిండిన హృదయంతో చేసిన ప్రార్థన ఎప్పుడూ వృధా కాదు 

 *జై శ్రీ రామ్*

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️☘️

*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  

దయచేసి దిగువ లింక్‌ని క్లిక్ చేయండి

www.youtube.com/@Enlightmentlife 

 *మీ చంద్రశేఖర్* (Cell:+1-314-562-5762)

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️

మల్లన్న పెళ్లికి నేతన్న ‘తలపాగా’ (09-Mar-24, Enlightenment Story)

 మల్లన్న పెళ్లికి నేతన్న ‘తలపాగా’ మూడు తరాలుగా పృథ్వీ వంశస్తుల ఆచారం

🌺🍀🌺🍀🌺🌺🍀🌺🍀🌺🍀🌺🌺🍀 🌺🍀🌺🍀🌺🌺🍀🌺🍀🌺🍀🌺🌺🍀 

శ్రీశైలం మల్లన్న కల్యాణానికి ముహూర్తం ముంచుకొస్తోంది. పెళ్లికోసం తలపాగా సిద్ధమైంది. శివరాత్రి రోజున చీరాల నేతన్న నేసిన తలపాగాను చుట్టిన తర్వాతే పెళ్లితంతు మొదలవుతుంది. ఈ అదృష్టం చీరాల చేనేత కార్మికుడికి దక్కడం ఈ ప్రాంతవాసుల అదృష్టం. 

ఈ ఆచారం మూడు తరాలుగా వస్తోంది. ఇదీ తంతు.. : ఏటా శివరాత్రి రోజు శ్రీశైలం మల్లన్న కల్యాణం జరుగుతుంది. ఆయనను వరుడిని చేసేందుకు తలపాగాలంకరణ చేస్తారు. శివరాత్రి లింగోద్భవ సమయంలో రాత్రి 10 నుంచి 12 గంటల మధ్య కల్యాణం నిర్వహిస్తారు. 

ఇందుకు గాను చీరాలలో తయారు చేసిన చేనేత వస్త్రంతో పెళ్లి కుమారుడిగా అలంకరిస్తారు. 150 గజాలు ఉండే ఈ వస్త్రాన్ని ఆలయ శిఖరం నుంచి నవ నందులను కలుపుతూ చుడతారు. (ఈ సమయంలో వస్త్రాన్ని ఇచ్చే భక్తులు ఒంటిపై నూలు పోగు లేకుండా ఉండాలన్నది ఆచారం).

చీరాలకు మహద్భాగ్యం : మల్లన్నను పెళ్లి కుమారునిగా అలంకరించే వస్త్రాన్ని నేసే మహద్భాగ్యం చీరాల మండలం దేవాంగపురి గ్రామ పంచాయతీ, హస్తినాపు రంలోని చేనేత కుటుంబానికి చెందిన 'పృథ్వీ ' వంశానికి దక్కింది. ఈ వంశం వారు మూడు తరాలుగా (వందేళ్లకు పైగా) ఈ ఆచారాన్ని కొనసాగిస్తున్నారు. 

ప్రస్తుతం పృథ్వీ వెంకటేశ్వర్లు నలభై ఏళ్లుగా మల్లన్న వస్త్రాన్ని నేస్తూ ప్రతి శివరాత్రి రోజున శ్రీశైలం వెళ్లి మల్లన్నకు అలంకరిస్తారు. ఈ మహద్భాగ్యం తనకు దక్కడం పూర్వ జన్మ సుకృతమని వెంకటేశ్వర్లు చెబుతారు.ఉపవాసం, నియమ, నిష్టలు : మల్లన్నను అలంకరించే ఈ వస్త్రం తయారీకి 365 రోజులు పడుతుంది. రోజుకు ఒక మూర (అడుగున్నర చొప్పున 365 రోజులు ఉపవాసం, నియమ, నిష్టలతో దీనిని నేస్తారు. ఇందులో పృథ్వీ వెంకటే శ్వర్లు కుటుంబ సభ్యులు పాలుపంచుకుంటారు. తలపాగాను తీసుకొని పృథ్వీ వెంకటేశ్వర్లు కుటుంబం ఊరేగింపుగా శ్రీశైలం బయల్దేరుతుంది. 

పది రోజుల పాటు అక్కడే ఉండి లింగోద్భవ సమయంలో రాత్రి 11 గంటల సమయంలో ఒంటిపై నూలుపోగు లేకుండా గర్భగుడి నుంచి నవనందులను కలుపుతూ శిఖరం చుట్టూ ఈ పాగాతో చుడతారు. 

 *జై శ్రీ రామ్*

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

🍀🌺🍀🌺  సర్వం శ్రీకృష్ణార్పణమస్తు   🍀🌺🍀🌺  లోకా సమస్తా సుఖినోభవన్తు!🍀🌺🍀🌺

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️☘️

*ప్రియమైన భగవత్బంధువులుకి శతకోటి వందనాలు 🙏*

*క్రమం తప్పకుండా కథలు చదువుతున్నందుకు ధన్యవాదాలు. దయచేసి నా యూట్యూబ్ ఛానెల్‌లో ఆధ్యాత్మిక, యోగా మరియు ప్రకృతి సంబంధిత వీడియోలను చూడండి.*  

దయచేసి దిగువ లింక్‌ని క్లిక్ చేయండి

www.youtube.com/@Enlightmentlife 

 *మీ చంద్రశేఖర్* (Cell:+1-314-562-5762)

☘️☘️🌼🌼🌼🌻🌼🌼🌼☘️☘️☘️☘️🌼🌼🌼🌻🌼🌼🌼☘️